Misrda avtobus ishtirokidagi YTH oqibatida 9 kishi halok bo‘ldi

Misrda xususiy kompaniyaga tegishli avtobus ishtirokidagi yo‘l-transport hodisasi oqibatida 9 kishi halok bo‘ldi va 21 kishi tan jarohati oldi. Bu haqda “RIA Novosti” xabar bermoqda.

Hodisa Iskandariya shahri atrofida yuz bergan. Qurbonlar va jabrlanuvchilarning bari — misrliklardir.

Taxminlardan biriga ko‘ra, avtobus haydovchisi boshqa mashina bilan to‘qnashuvning oldini olishga uringan.

Yana bir taxmin bo‘yicha, avariya avtobusning g‘ildiragi yorilib ketishi oqibatida yuz bergan.

Qayd etishlaricha, avtobus ishchilarni olib ketayotgan bo‘lgan.