O‘zbekiston IIVning qamoqxonalarga mas’ul rahbari o‘zgardi

O‘zbekiston Prezidenti Shavkat Mirziyoyevning 23-fevraldagi qarori bilan O‘zbekiston ichki ishlar vaziri o‘rinbosari — Jazoni ijro etish bosh boshqarmasi boshlig‘i o‘zgardi. Bu haqda “Kun.uz” xabar bermoqda.

Shu kungacha Jazoni ijro etish bosh boshqarmasi boshlig‘i sifatida faoliyat yuritib kelgan Jamshid Sultonov egallab turgan lavozimidan ozod etilgan.

Uning o‘rniga Bahrombek Odilov tayinlangani aytilmoqda. Qayd etishlaricha, u bungacha O‘zbekiston Prezidenti devonida siyosiy-huquqiy masalalar bo‘yicha sektor mudiri sifatida ishlagan.

Mavzuga doir: Zangiotadagi yangi hibsxona nega 8 qirrali shaklda qurildi?