Afrinda salkam 2020 nafar jangari yo‘q qilindi

Turkiya qurolli kuchlarining Afrin anklavida o‘tkazayotgan “Zaytun butog‘i” operatsiyasi boshlanganidan buyon mintaqada 2018 jangari yo‘q qilindi. Bu haqda mamlakat armiyasi bosh shtabi bayonot berdi, deb yozadi “RIA Novosti”.

Oldinroq 1,7 mingdan ortiq jangari yo‘q qilingani haqida aytilgan edi.

O‘ldirilgan jangarilarning aksariyat qismi PYD (kurdlarning “Demokratik ittifoq” partiyasi) hamda YPG (kurd mudofaa kuchlari) guruhlariga oid. Shuningdek, ular orasida IShID terrorchi guruhi a’zolari ham bor.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.