Mashhur sovet avtomobillarini yaratgan rossiyalik konstruktor vafot etdi

Rossiyaning “AvtoVAZ” avtomobilsoz kompaniyasining sobiq bosh konstruktori Georgiy Mirzoyev 83 yoshida vafot etdi. Bu haqda “RIA Novosti” xabar bermoqda.

U 1976–1998-yillarda tashkilotda bosh konstruktor bo‘lib ishlagan. Uning rahbari ostida “VAZ-2108”, shuningdek, “Niva” va boshqa mashhur sovet avtomobillari ishlab chiqilgan.

Oxirgi yillarda Mirzoyev muqobil yoqilg‘ida yuruvchi avtomobillar ustida ishlayotgan edi.

Texnik fanlar nomzodi, professor Mirzoyev, shuningdek, avtomobilsozlik bo‘yicha bir qancha ilmiy ishlar muallifi hamdir.