Jahongir Hotamov Xorazm viloyati prokurori etib tayinlandi

O‘zbekiston Bosh prokurorining 27-fevraldagi buyrug‘iga muvofiq, Jahongir Hotamov 5 yil muddatga Xorazm viloyati prokurori lavozimiga tayinladi va mazkur prokuratura hay’ati raisi etib tasdiqlandi. Bu haqda Bosh prokuratura matbuot xizmati ma’lum qildi.

Jahongir Hotamov bunga qadar Toshkent shahar prokurorining birinchi o‘rinbosari bo‘lib ishlagan.

Eslatib o‘tamiz, Xorazm viloyatining sobiq prokurori Akmalxo‘ja Mavlonov oldinroq Bosh prokuratura huzuridagi Soliq, valyutaga oid jinoyatlar va jinoiy daromadlarni legallashtirishga qarshi kurashish departamenti boshlig‘i etib tayinlangandi.