Xitoyda restoran mijozlari sekin xizmat ko’rsatuvchi ofitsiantni kaltakladi (video) 

Xitoyning Xunan provinsiyasidagi Xenyan shahrida restoranga tashrif buyuruvchilar buyurtma, taom tayyor bo‘lgunga qadar sabr qilishni so‘ragan ofitsiant qizni kaltakladi, deb xabar beradi Daily Mail.

Avvaliga erkak mijoz ofitsiant qizning yuziga tarsaki tushirgan. Keyin u bilan birga kelgan ayol uning sochlaridan tutib, boshiga ura boshlagan. Shu paytda boshqa mijozlar ham stol ustidagi idishlarni olib, qizga otgan.

Ofitsiant qiz jiddiy jarohat olmagan. Politsiya holat yuzasidan surishtiruv olib bormoqda.

Restoran xodimlarining aytishicha, politsiya bezorilardan birini hibsga olgan.