Dollar, yevro va rublning so‘mga nisbatan qiymati tushdi

O‘zbekiston markaziy banki 5-mart uchun asosiy chet el valyutalarining so‘mga nisbatan yangi kurslarini e’lon qildi.

Joriy haftada dollar, yevro, rubl, yuan va yana qator chet el valyutalarining qiymati tushgani qayd etildi.

Jumladan, dollar kursi 8,18 so‘mga tushib, 8163,46 so‘mni tashkil etdi.

Yevro kursi 1,9 so‘mga tushib, 10059,02 so‘mni tashkil qildi.

Bundan tashqari, rubl kursi 143,57 so‘mga (tushish — 2,32 so‘m) teng bo‘ldi.