Nodirjon Tursunov Milliy antidoping agentligi bosh direktori etib tayinlandi

Nodirjon Tursunov Vazirlar Mahkamasi huzuridagi Milliy antidoping agentligi bosh direktori etib tayinlandi. Bu haqda Adliya vazirligining Telegram’dagi kanalida ma’lum qilindi.

U oldinroq O‘zbekiston davlat jismoniy tarbiya instituti kafedra mudiri va Respublika jismoniy tarbiya dispanseri bosh shifokoribo‘lib ishlagani bildirilmoqda.

Milliy antidoping agentligi Prezident Shavkat Mirziyoyev qarori bilan joriy yil yanvar oyi boshida tashkil etildi. Agentlik sportda doping qo‘llanishining oldini olish va dopingga qarshi kurashish sohasida yagona davlat siyosatini amalga oshirishda ishtirok etadi. Butunjahon antidoping kodeksiga asoslangan milliy antidoping qoidalarini joriy qilish va ularga rioya etilishini ta’minlaydi.