Toshkentda ijtimoiy himoyaga muhtoj ayollarga 8-mart munosabati bilan sovg‘alar ulashildi

Toshkent tumanlarida “Ayol borki-olam munavvar” shiori ostida madaniy-ma’rifiy bayram tadbirlari tashkil qilinmoqda. Bu haqda “Daryo”ga shahar hokimligi ma’lum qildi.

Ana shunday tadbirlar Bektemir, Uchtepa va Mirzo Ulug‘bek tumanida o‘tkazildi. Ularda 700 ga yaqin ijtimoiy himoyaga muhtoj, nogiron ayollar, noto‘liq oila a’zolari, ko‘p bolali onalar, shuningdek, mehnat faxriyalari ishtirok etdi.

Tadbirda so‘zga chiqqanlar jamiyat ravnaqiga hissa qo‘shayotgan bir guruh xotin-qizlarga esdalik sovg‘alari ulashdi.