Prezidentning Afg‘oniston bo‘yicha maxsus vakili Germaniya elchisi bilan muloqotda bo‘ldi

O‘zbekiston Prezidentining Afg‘oniston bo‘yicha maxsus vakili Ismatulla Irgashev TIVda Germaniya elchisi Gyunter Overfeld bilan uchrashdi. Bu haqda vazirlik matbuot xizmati ma’lum qildi.

Uchrashuvda 2018-yil 26—27-mart kunlari Toshkent shahrida bo‘lib o‘tadigan Afg‘oniston bo‘yicha “Tinchlik jarayoni, xavfsizlik sohasida hamkorlik va mintaqaviy sheriklik” mavzusidagi yuqori darajali xalqaro konferensiya kun tartibiga kiritiladigan masalalar tomonlar diqqat markazida bo‘ldi.