Papua-Yangi Gvineyada sodir bo‘lgan zilzila oqibatida 50 dan ortiq odam halok bo‘ldi

Papua-Yangi Gvineyada sodir bo‘lgan kuchli yer osti silkinishi oqibatida kamida 55 kishi halok bo‘ldi. Bu haqda Anadolu agentligiga tayanib, “Korrespondent.net” xabar berdi.

Ta’kidlanishicha, bu safar zilzila magnitudasi 6,7 ballni tashkil etgan.

“Yer osti silkinishlari Porgera shahridan 112 kilometr janubi-g‘arbda sodir bo‘lgan. Zilzila magnitudasi 6,7 ballni tashkil etdi”, — deyiladi xabarda.

Eslatib o‘tamiz, 26-fevral kuni ham Papua-Yangi Gvineyada sodir bo‘lgan 7,5 magnitudali zilzila oqibatida 30 dan ortiq kishi halok bo‘lgandi.