Davide Astoridan keyin A seriya yo‘lida davom etadi. “Roma” Chempionlar Ligasi oldidan Turin klubini taslim qildi
Futbol bo‘yicha Italiya A seriyasining 28-turi “Roma” — “Torino” o‘yini bilan start oldi. Avvalgi tur “Fiorentina” futbolchisi Davide Astorining vafot etishi sabab qoldirilgandi.
“Roma” kelayotgan hafta Chempionlar Ligasining chorak finali yo‘lida Ukrainaning “Shaxtyor” klubini qabul qiladi. Tomonlarning safardagi o‘yinida “konchilar” 2:1 hisobida zafar quchgandi. Mana shu o‘yin oldidan “bo‘rilar” kayfiyatni ancha ko‘tarib oldi va A seriyada yana bir muhim g‘alabaga erishdi. Bir tur avval rimlik futbolchilar Neapolga borib, “Napoli”dan ustun kelgandi — 4:2.
28-tur doirasida A seriyaning yetakchi klublari ertaga — yakshanba kuni o‘yin o‘tkazadi.
Italiya A seriyasi
28-tur o‘yinlari
9-mart, juma
Gollar: Kostas Manolas, 56 (1:0). Daniele De Rossi, 73 (2:0). Lorenso Pellegrini, 93+ (3:0).
11-mart, yakshanba
“Fiorentina” — “Benevento” 16:30
“Yuventus” — “Udineze” 19:00
“Krotone” — “Sampdoriya” 19:00
“Kalyari” — “Latsio” 19:00
“Bolonya” — “Atalanta” 19:00
“Jenoa” — “Milan” 22:00
“Inter” — “Napoli” 00:45
Manba: Daryo.uz