Michiganda kuchli qor yog‘ishi oqibatida 60 ta avtomobil to‘qnashdi

AQShning Michigan shtatidagi shosseda kuchli qor yog‘ishi oqibatida 60 ta avtomobil to‘qnashdi, deb xabar beradi “RIA Novosti”.

Avariya oqibatida jabrlanganlar bor, biroq ularning jarohatlari unchalik xavfli emas. Uch kishi shifoxonaga joylashtirilgan.

Trassada to‘qnashgan transport vositalari orasida eng ko‘p furalar borligi aytilmoqda.

Kuchli qor yog‘ishi yo‘llarda harakatlanishni qiyinlashtirgani avariyaga sabab bo‘lgan.