“Eybar”ga qarshi o‘yin vaqtida Serxio Ramos hojatxonaga borib kelishga majbur bo‘ldi. “Real” shundan keyin g‘alaba golini urdi
Ispaniya La Ligasining 28-turidan o‘rin olgan “Eybar” — “Real Madrid” o‘yinida qiziq holat ro‘y berdi, deb yozdi “Sports.ru”.
O‘yinning 73-daqiqasida madridliklar sardori Serxio Ramos hakamning yoniga borib, bir nimalarni tushuntirdi va stadiondan chiqib ketdi. Oradan 5 daqiqa o‘tib esa u maydonga qaytib chiqdi.
Ramos bu ishni qilganida hisob 1:1 bo‘lib turgandi. Zidan bu vaqtga qadar futbolchi almashtirishdagi barcha imkoniyatlaridan foydalanib ulgurgandi. Ramos yo‘q vaqtida maydonda aytarli ish bo‘lgani yo‘q. Biroq u qaytganiga 5 daqiqa to‘lib, Krishtianu Ronaldu “Real” uchun g‘alaba golini urishga erishdi.
Matbuot anjumani vaqtida “Real” ustozi Zidan hammasini ochiqchasiga tushuntirdi: “Ramos hojatxonaga borib kelishiga to‘g‘ri keldi”.
O‘z navbatida himoyachi ham Zidanning fikrlarini tasdiqladi va Twitter sahifasida shunday post qoldirdi: “Tabiiy ehtiyoj. Bordim-u keldim. Kuchga to‘lib qaytdim. Gol urdik. Endi esa uyga qaytmoqdamiz. Bo‘sh kelmaymiz!”
“Real” yevrokuboklar uchun kurash olib borayotgan “Eybar”ni 2:1 hisobida taslim qilishga erishdi.
Manba: Daryo.uz
Добавить комментарий!
- отсутствуют
- отсутствуют