Shavkat Mirziyoyev 15-mart kuni Qozog‘istonga tashrif buyuradi

15-mart kuni Qozog‘istonning Ostona shahrida Qozog‘istonda O‘zbekiston yilining ochilishi marosimi bo‘lib o‘tadi, deya xabar bermoqda O‘zbekiston Madaniyat vazirligi rasmiy veb-sayti.

Qozog‘iston prezidentining matbuot kotibi Aydos Ukibay ma’lum qilishicha, tantanali marosimda Nursulton Nazarboyev va Shavkat Mirziyoyev ishtirok etadi. Shuningdek, ikki mamlakat yetakchilari o‘zbek san’at ustalarining gala-konsertida qatnashadi.

15-mart kuni Markaziy Osiyo mamlakatlari — Qozog‘iston, Qirg‘iziston, Tojikiston, Turkmaniston va O‘zbekiston rahbarlarining ishchi uchrashuvi ham bo‘lib o‘tadi.