Foto: Sergelida qurilgan yangi ko‘p qavatli uylar yomg‘irdan keyin

Facebook ijtimoiy tarmog‘idagi guruhlardan birida Toshkentning Sergeli tumanida bunyod etilgan yangi ko‘p qavatli uylarning 11-mart kuni yog‘gan yomg‘irdan keyingi ahvoli tasvirlangan surati paydo bo‘ldi.

Suratdan ko‘rish mumkinki, yangi qurilgan ko‘p qavatli turar joy binosining maydoni to‘liq suv ostida qolgan.

Internet foydalanuvchilari bu kabi holatdan ranjib, surat ostida turli izohlarni qoldirgan.

“Quruvchilar loyihamizga ko‘ra hovlida basseyn qurishni rejalashtirgandik, deya ushbu vaziyatdan ham chiqib ketishning yo‘lini topadi”, — deb yozadi internet foydalanuvchilaridan biri.

“Ozgina yoqqan yomg‘irga shunchalik bo‘lib ketsa, jala yog‘sa nima bo‘larkan? Bu yerda istiqomat qiluvchilar qayiqda qatnaydimi?!”, — deydi boshqa bir foydalanuvchi.