Nyu-Yorkda qulagan vertolyot qurbonlari soni 5 kishiga yetdi

Nyu-Yorkda halokatga uchragan vertolyot qurbonlari soni besh kishiga yetdi, deb xabar beradi “Interfaks”.

Ikki kishi hodisa joyida, yana uch kishi shifoxonada halok bo‘lgan.

Vertolyot 11-mart yakshanbadan 12-mart dushanba kuniga o‘tar kechasi halokatga uchradi. Uning bortida hammasi bo‘lib olti kishi bo‘lgan.

Vertolyotdan fotosyomka uchun foydalanilgan.

Halokat sabablari hozircha noma’lum.