Rossiyalik rejissor sun’iy ong yordamida film suratga olmoqchi

Rossiyalik rejissor Timur Bekmambetov tajriba sifatida sun’iy ong yordamida film suratga olishni rejalashtirmoqda. Bu haqda “RIA Novosti” xabar berdi.

“Yo‘qotilgan va qaytarilgan dunyo” nomli film sovet zobiti Lev Zasetskiyga bag‘ishlanadi.

“Bu sovet leytenanti Zasetskiy haqidagi real voqea, u boshidan yaralanganidan so‘ng dunyoni qabul qilish imkoniyatidan mahrum bo‘lgan edi. Dunyo uning uchun alohida qismlarga bo‘linib keta boshladi, ammo iroda kuchi bilan u hayotga bo‘lgan ishonchini qaytara oldi”, — deb film g‘oyasini tushuntirdi Bekmambetov taqdimot marosimida.

“Filmimiz innovatsion loyiha bo‘lib, birinchi marta kinematografik obrazlar yaratishda sun’iy ongga murojaat etiladi”, — qo‘shimcha qildi ijodkor.