Farg‘onada ro‘y bergan YTHda 37 yashar ayol va uning 17 yoshli o‘g‘li halok bo‘ldi

Farg‘ona viloyatining Qo‘shtepa tumanida ro‘y bergan yo‘l-transport hodisasi ikki kishining o‘limi bilan tugadi. Bu haqda IIV jamoatchilik va OAV bilan aloqalar boshqarmasi ma’lum qildi.

15-mart kuni soat 20:00 atrofida Q.Sulaymonov o‘zining Nexia rusumli mashinasini “Qoraqushchi” mahallasi hududida haydab ketayotib, 1981-yilda tug‘ilgan M.O‘rmonova va uning 2001-yilda tug‘ilgan o‘g‘lini urib yubordi.

M.O‘rmonova va uning o‘g‘li kasalxonaga yotqizildi. Biroq, tibbiy muolaja ko‘rsatilganiga qaramay, ona-bola hayotdan ko‘z yumdi.