O‘zbekiston va Afg‘oniston o‘rtasidagi tovar aylanmasi 2020-yilda 1,5 mlrd dollarga yetadi

O‘zbekiston va Afg‘oniston o‘rtasidagi o‘zaro tovar aylanmasi 2020-yilga borib 1,5 milliard AQSh dollariga yetadi. Bu haqida O‘zbekiston tashqi ishlar vazirligining axborot-tahliliy markazi direktori Eldor Oripovning so‘zlariga asoslanib, “Xalq so‘zi” xabar bermoqda.

Tomonlar birgalikda avtomobillar, to‘qimachilik mahsulotlarini ishlab chiqarishni rejalashtirgan. O‘zbekistonlik mutaxassislar Afg‘oniston hududida neft-gaz konlarini o‘zlashtirishga ko‘mak beradi.

Ma’lumot uchun, o‘tgan yilda ikki davlat o‘rtasidagi tovar aylanmasi 600 million dollarni tashkil etdi. Ayni chog‘da mazkur ko‘rsatkich barqaror o‘sish sur’atlarini ko‘rsatib kelmoqda.