» » 17 yil Koreyada yashagan O‘zbekiston fuqarosi diniy oqimlarga mansublik ro‘yxatidan chiqarildi

17 yil Koreyada yashagan O‘zbekiston fuqarosi diniy oqimlarga mansublik ro‘yxatidan chiqarildi


Namangan viloyati Pop tumanida yashovchi A’zamjon Toshmatov (ismi-sharifi o‘zgartirilgan) Koreya respublikasiga 2000-yillarda o‘qishga borib, bu yerdagi oliy o‘quv yurtida tahsil olish jarayonida diniy ekstremistik oqim a’zolari bilan bilib-bilmay muloqotga kirishib qoladi, deb xabar beradi O‘zA.

A’zamjon Toshmatov hayotidagi bu o‘zgarishlar O‘zbekistondagi huquqni muhofaza qilish idoralari tomonidan o‘rganilib, unga jinoiy qidiruv e’lon qilinadi.

Bundan xabar topgan A’zamjon o‘zi bilan bog‘liq barcha materiallarni O‘zbekiston tomoniga taqdim etadi. Ammo, tayinli javob ololmagach, O‘zbekistonga qaytmaslikni yagona chora sifatida qabul qiladi va Koreyada mehnatini davom ettiradi.

Fuqaro 2017-yilda Prezident Shavkat Mirziyeyovning diniy e’tiqod va huquqlar borasidagi siyosatidan xabar topib, portalga xat bilan murojaat qiladi. Shundan keyin uni qiynaydigan muammo atroflicha ko‘rib chiqildi, deyiladi xabarda.

Qayd etilishicha, iqtisod fanlari doktori bo‘lgan yigit nafaqat diniy oqimlarga mansublik ro‘yxatidan chiqarildi, balki undan mamlakat taraqqiyoti uchun hissa qo‘shish borasida taklif va mulohazalar bilan ishtirok etish imkoniyati yaratildi.

“Ochig‘i, o‘zga yurtlarda sarson-sargardonlikdan ortiq azob-iztirob bo‘lmasa kerak. Ikki nafar farzandim Koreyada tug‘ildi. Prezident xorijdagi yoshlar ham O‘zbekiston taraqqiyoti uchun o‘z ilmi, bilimi va tajribasi bilan xizmat qilsa, barcha sharoitlarni muhayyo qilaman degan murojaati qalbimga katta o‘t yoqdi. Vatanimga qaytgach, tergov jarayonlarida barcha narsaga oydinlik kiritildi. Hozir poytaxtdagi eng nufuzli oliygohda mehnat qilayapman. Shu bilan birga investitsiyalar bo‘yicha davlat dasturlari loyihalariga jalb qilinganman. Ta’lim sohasini takomillashtirish bo‘yicha ham loyiha tayyorlayapman. Olib borilayotgan barcha islohotlarni nafaqat qo‘llab-quvvatlayman, balki sidqidildan hissa qo‘shayotganimdan mamnunman”, – deydi A.Toshmatov.



Manba: Daryo.uz
Опубликовано: admin (23-03-2018, 18:28)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Кто вы по знаку зодиака?

КТО НА САЙТЕ?
( 32) ( 0) ( 30) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют