Iqlim o‘zgarishlari 2017-yili dunyo bo‘yicha 320 mlrd dollar zarar keltirdi

Iqlim o‘zgarishlari 2017-yili dunyoda 320 milliard dollardan iborat rekord miqdordagi moliyaviy yo‘qotishlarga olib keldi. Bu haqda “Korrespondent.net” xabar bermoqda.

Yo‘qotishlar soni ortishiga Shimoliy Amerikadagi o‘ta kuchli dovullar, Hind subqit’asidagi musson yomg‘irlari va Afrikaning ayrim mintaqalaridagi kuchli qurg‘oqchilik sabab bo‘ldi.

Noqulay ob-havo sharoiti dunyo iqtisodiyotining o‘sish sur’atlariga salbiy ta’sir ko‘rsatgani va oziq-ovqat bilan ta’minlash, sog‘liqni saqlash va migratsiya borasida qo‘shimcha muammolar tug‘dirgani bildirilmoqda.

Ma’lumot uchun, 2017-yil kuzatishlar tarixidagi uch eng haroratli yildan biri bo‘ldi.