Chiroqchida 34 yoshli yigit otasining boshiga g‘isht bilan urdi

Qashqadaryo viloyatining Chiroqchi tumanida 18-mart kuni ro‘y bergan oilaviy janjal oqibati xunuk tugadi. Bu haqda IIV jamoatchilik va OAV bilan aloqalar boshqarmasi ma’lum qildi.

Shu kuni soat 15:00 atrofida “Qizilchorva” mahallasida yashovchi, 1984-yilda tug‘ilgan B.Bozorov uyida otasi E.Bozorovning bosh qismiga g‘isht bo‘lagi bilan urib, jarohat yetkazdi.

E.Bozorov kasalxonaga yotqizildi. Uning o‘g‘li qo‘lga olindi.