Qozog‘istonliklar Krishtianu Ronalduga chopon sovg‘a qildi (video)

Krishtianu Ronaldu yaqinda ukrainalik bokschi Vasiliy Lomachenkodan boks qo‘lqoplarini sovg‘a sifatida qabul qilib olgan edi. Portugaliyalik hujumchiga sovg‘alar kelishi davom etmoqda. Bu safar Ronalduga qozoqcha chopon sovg‘a qilindi, deb yozadi Tengrinews.

Ronalduga sovg‘a topshirilgan holat Instagram va YouTube tarmoqlarida paydo bo‘ldi.

“Bu an’anaviy qozoq choponi. U eng hurmatli insonlarga hadya qilinadi. Bu bizning ramzlarimiz: bayroq va burgut. Choponni kiyib, Qozog‘istonga kelgan odam hurmat shaxs hisoblanadi”, — deydi videotasvirda sovg‘aning mohiyatini tushuntirishga harakat qilgan shaxs.

Ta’kidlanishicha, milliy chopon va esdalik uchun suvenirlar qozoq kompaniyalari biri tomonidan Ronalduga sovg‘a qilingan.

Mavzuga doir: Zo‘rdan zo‘rga sovg‘a: Jahon chempioni Lomachenko Krishtianu Ronalduga qo‘lqoplarini hadya qildi