Meksikada Pasxa namoyishi vaqtida otishma sodir bo‘ldi

Meksikaning Akapulko shahrida nishonlangan Pasxa namoyishi vaqtida otishma sodir bo‘ldi. Bu haqda Reuters agentligiga tayanib, “Gazeta.ru” xabar berdi.

Noxush hodisa ikki nafar erkak avtomobilni o‘g‘irlab ketishga uringani sabab yuzaga kelgan.

Nashr ma’lumotlariga ko‘ra, jinoyatchilardan birini politsiyachilar otib tashlagan bo‘lsa, ikkinchisi avtomobil ichida halok bo‘lgan.

Namoyish ishtirokchilaridan hech biriga jarohat yetmagan.