Indoneziyada dengizga yoqilg‘i oqib ketishi va alangalanishi oqibatida 4 kishi halok bo‘ldi (video)

Indoneziya qirg‘oqlari yaqinidagi dengizga yoqilg‘i oqib ketishi va alanga olishi oqibatida 4 kishi halok bo‘ldi, bir kishi bedarak yo‘qoldi. Bu haqda “Korrespondent.net” xabar bermoqda.

Avariya dam olish kunlari ro‘y berdi, biroq Borneo orolidagi Balikpapan port shahrida hozirgacha favqulodda holat tartibi saqlanib qolmoqda.

Kema yoqilg‘isi port atrofidagi 12 kvadrat kilometrga tarqaldi. Guvohlar mahalliy ko‘rfazni benzokolonkaga qiyoslamoqda.