Surxondaryoda Afg‘oniston fuqarosi 30 kg ko‘knori bilan qo‘lga olindi

Surxondaryo viloyatining Termiz tumanida IIV Giyohvandlik vositalari bilan qonunga xilof ravishda muomala qilishga qarshi kurashish boshqarmasi va DXX chegara qo‘shinlari xodimlari hamkorlikda tezkor tadbir o‘tkazdi. Bu haqda IIV jamoatchilik va OAV bilan aloqalar boshqarmasi xabar berdi.

Tadbir davomida Afg‘onistonning Faryob viloyati, Maymana shahrida yashovchi Xolmuhammad G‘ulom o‘g‘li O‘zbekistonga umumiy og‘irligi 29 kilogramm 29 gramm bo‘lgan ko‘knori olib o‘tgani aniqlandi.

U giyohvandlik moddasini 7,5 ming dollarga sotayotganda ushlandi.