“Maxsustrans” chiqindilarni olib ketish narxlarini oshirdi

“Maxsustrans” davlat ishlab chiqarish boshqarmasi 2018-yil 1-aprelidan qattiq maishiy chiqindilarni tashib ketish bo‘yicha tariflar oshirilganini ma’lum qildi.

Mazkur tarif har bir kishi uchun 3900 so‘m etib belgilandi. Oldin bu miqdor 3500 so‘m edi.

Budjet va xo‘jalik hisobidagi tashkilotlar uchun tarif har bir kub metr qattiq maishiy chiqindi uchun 46 788 so‘m 30 tiyin etib belgilandi. Bungacha uning narxi 41,9 ming so‘m edi.

Axlatlarni tashib ketish tarifi esa 1 tonnasi uchun 17 484 so‘m 22 tiyinni (avval 15 691 so‘m) tashkil etdi.