Toshkentda kimyo fani o‘qituvchilari uchun amaliy seminar tashkil etildi

Toshkentdagi 102-sonli maktabda “Darslarni innovatsion metodlar yordamida o‘qitish” mavzusida Toshkent shahri tayanch maktablari kimyo fani o‘qituvchilari uchun amaliy seminar tashkil etildi. Bu haqda O‘zA xabar bermoqda.

Toshkent shahar xalq ta’limi bosh boshqarmasi tashabbusi bilan tashkil etilgan seminarda poytaxt maktablarining kimyo fani o‘qituvchilari jalb qilindi.

Seminarda tajribali o‘qituvchilar tomonidan kimyo fanidagi dolzarb masalalar va darslarni innovatsion metodlar yordamida o‘qitish usullari yuzasidan mahorat darslari o‘tildi.