Hindistonda maktab avtobusining jarlikka qulashi oqibatida 30 kishi halok bo‘ldi

Hindiston shimolidagi Ximachal-Pradesh shtatida 9-aprel, dushanba kuni maktab avtobusi jarlikka quladi. Oqibatda kamida 30 kishi halok bo‘ldi. Bu haqda Times of India xabar berdi, deb yozadi “Korrespondent.net”.

Hozirgi paytda 27 nafar o‘quvchi, 67 yoshli haydovchi va ikki o‘qituvchining halok bo‘lganligi tasdiqlangan.

Avtobus darslar yakunlangandan so‘ng xususiy maktab o‘quvchilarini uylariga olib ketayotgan edi.

Transport vositasi 42 kishiga mo‘ljallangan, biroq mahalliy hukumat undagi yo‘lovchilarning aniq sonini hozircha ma’lum qilmadi.