YeChL. Rim “bo‘rilari” Messi va uning “Barselona”sini g‘ajib tashladi (video)

10-aprel sanasida Yevropa Chempionlar Ligasining dastlabki yarim finalchilaridan biri ma’lum bo‘ldi.

Xabar to‘ldirilmoqda

Rimda mezbon “Roma” jamoasi Kataloniyaning “Barselona”sini qabul qildi. “Roma” dastlabki o‘yinda 1:4 hisobida mag‘lub bo‘lgandi. Rimliklar yarim finalga chiqishi uchun “Barselona” darvoazasiga javobsiz uchta gol urishi lozim edi. “Roma” ajoyib kambek qilib, “Barselona” darvozasiga 3 ta javobsiz gol urdi va yarim finalning ilk ishtirokchisiga aylandi. “Roma” safida Edin Jeko, Daniyele de Rossi hamda Kostas Manolas o‘z nomlarini tabloga yozdirib qo‘yishga erishdi.

Yevropa Chemionlar Ligasi

Chorak final javob uchrashuvlari

10-aprel, seshanba

Gollar: 1:0 – 6 Jeko, 2:0 – 58, penalti de Rossi, 3:0 – 82 Manolas.

“Roma”: Alisson, Fasio, Jezus, Kolarov, Manolas, Nainggolan (El-Shaaravi, 77), Florensi, Strotman, de Rossi, Jeko, Shik (Under, 73).

“Barselona”: ter Stegen, Pike, Alba, Nelson Semedu (Dembele, 85), Umtiti, Serji Roberto, Rakitich, Buskets (Pako Alkaser, 85), Inesta (Andre Gomesh, 81), Messi, Suares.

Ogohlantirishlar: Fasio (38), Jezus (44), Pike (57), Messi (63), Suares (72).

Dastlabki uchrashuv — 1:4