YeChL. Muhammad Saloh va “Liverpul” Xosep Gvardiolaning “Siti”sini o‘z uyida ham mag‘lub etdi va yarim finalga yo‘l oldi (video)

10-aprel sanasida Yevropa Chempionlar Ligasining dastlabki yarim finalchilaridan biri ma’lum bo‘ldi.

Birinchi uchrashuvda 0:3 hisobida mag‘lubiyat alamini totib ko‘rgan Xosep Gvardiola shogirdlari javob o‘yinida ham  Yurgen Klopp shogirdlariga imkoniyatni boy berdi. “Siti” 2-daqiqadayoq hisobni ochishga erishdi. Gol muallifi Gabriel Jezus. Birinchi bo‘lim shu hisob bilan yakunlandi. Ikkinchi bo‘limning 56-daqiqasida katta sahnaga “Liverpul”ning yetakchisi Muhammad Saloh chiqdi. U o‘zi boshlagan hujumchi muvaffaqiyatli yakunlab, gol urishga erishdi. O‘yinning 77-daqiqasida Roberto Firmino “Liverpul”ning ikkinchi golini kiritdi. Shu tariqa Yurgen Klopp shogirdlari uyda va safarda ham “Manchester Siti”ni mag‘lub etib, umumiy hisobda 5:1 hisobida g‘alaba qozongan holda Yevropa Chempionlar Ligasining yarim finaliga yo‘l oldi.

Yevropa Chemionlar Ligasi

Chorak final javob uchrashuvlari

10-aprel, seshanba

Gollar: 1:0 – 2 Gabriel Jezus, 1:1 – 56 Saloh, 1:2 – 77 Firmino.

“Manchester Siti”: Ederson, Uoker, Otamendi, Laport, Fernandino, Silva (Aguero, 66), de Bryuyne, Sterling, Bernardu Silva (Gyundogan, 74), Sane, Gabriel Jezus.

“Liverpul”: Karius, Lovren, Robertson, Aleksander-Arnold (Klayn, 81), van Deyk, Firmino (Klavan, 81), Oksleyd-Chemberlen, Saloh (Ingz, 89), Veynaldum, Mane, Milner.

Ogonlantirishlar: Ederson (14), Mane (14), Aleksander-Arnold (29), Bernardu Silva (30), Firmino (35), van Deyk (65).

Dastlabki uchrashuv — 0:3