Rossiyaning Kamchatka o‘lkasida valyutafurushni o‘ldirgan O‘zbekiston fuqarosiga nisbatan tergov yakunlandi

Rossiyaning Petropavlovsk-Kamchatsk shahrida O‘zbekistonning 33 yoshli fuqarosiga nisbatan jinoiy ish tergovi yakunlandi. U ikki sherigi bilan birga 53 yoshli Aleksandr Sherbakovni o‘ldirganlikda ayblanmoqda, deya xabar beradi “Podrobno.uz”.

Tergovga ko‘ra, ayblanuvchi o‘tgan yil aprelida ikki hamyurti bilan birga noqonuniy valyuta operatsiyalari bilan shug‘ullangan mahalliy fuqaroga hujum uyushtirgan.

Ular Aleksandr Sherbakovning 150 ming rubl pulini tortib oladi. O‘zini bo‘g‘ib o‘ldiradi va jasadini jarlikka tashlab yuboradi.

Jinoyat amalga oshirilganidan so‘ng ikki o‘zbekistonlik tergov idoralaridan yashiringan. Hozirda ular xalqaro qidiruvga berilgan.