Xabarovsk ko‘chalarida vertolyot qulashi oqibatida 6 kishi halok bo‘ldi

Rossiyaning Xabarovsk o‘lkasida Antennaya va Xirurgicheskaya ko‘chalari oralig‘idagi xarobazorga Mi-8 vertolyoti qattiq qo‘nishi oqibatida olti kishi halok bo‘ldi, deb yozadi “Gazeta.ru”.

Bu haqda Xabarovsk o‘lkasidagi falokatlar tibbiyoti markazi bosh shifokori Pavel Kurnyavka ma’lum qildi. “Mendagi ma’lumotlarga ko‘ra, olti kishi halok bo‘ldi”, — dedi u.

Vertolyot bortidagi kishilarning barchasi halok bo‘lgan.

Vertolyot qulashi natijasida binolar va inshootlarga zarar yetmagan. Voqea joyida shoshilinch xizmatlar va tezkor guruhlar ishlamoqda.