O‘zbekiston moliya vaziri Afg‘oniston delegatsiyasi bilan uchrashuv o‘tkazdi

2018-yilning 12-aprelida O‘zbekiston Respublikasi moliya vaziri Jamshid Qo‘chqorov Afg‘oniston Islom Respublikasining moliya vaziri E.Hakimiy va transport vaziri M.Taxmasiy boshchiligidagi delegatsiya bilan uchrashuv o‘tkazdi, deb yozadi O‘zbekiston Respublikasi Moliya vazirligi matbuot xizmati.

Uchrashuv davomida har ikkala tomonning asosiy e’tibori Afg‘onistonda eng muhim va istiqbolli infratuzilma loyihalarini amalga oshirish, jumladan “Mozori Sharif—Hirot” yo‘nalishida temiryo‘l tarmog‘i qurilishi, “Surxon—Puli-Xumri” elektr uzatish tarmoqlari qurilishi masalalari, shuningdek, ikki tomonlama hamkorlikning boshqa masalalarini muhokama qilishga qaratildi.