Toshkentda Rossiyadan guruch olib kelib berish evaziga 500 mln so‘m olgan firibgar ushlandi

Toshkent shahri, Olmazor tumani IIBga 11-aprel kuni yirik miqdordagi firibgarlik holati yuzasidan murojaat kelib tushdi. Bu haqda IIV jamoatchilik va OAV bilan aloqalar boshqarmasi xabar berdi.

Taqdim etilgan hujjatlarga ko‘ra, 2015-yil 25-sentabr kuni Nozimaxonim ko‘chasida yashovchi, 1971-yilda tug‘ilgan J. Nadjimov 1978-yilda tug‘ilgan J. Yuldashevga Rossiyadan arzon narxda guruch olib kelib berishni va’da qiladi. Ishonchiga kirib, undan buning uchun 500 million so‘m oladi.

Biroq va’dasini bajarmay, pullarni ehtiyoji uchun ishlatib yuboradi.

Ko‘rilgan choralar natijasida J. Nadjimov qo‘lga olindi.