Kim Chen In KXDR va Xitoy munosabatlarini yangi darajaga olib chiqishga va’da berdi

Shimoliy Koreya yetakchisi Kim Chen In KXDRning Xitoy bilan munosabatlarini yangi darajaga olib chiqishga va’da berdi. Bu haqda “RBK” yozmoqda.

Shimoliy Koreya rahbari Pxenyanda Xitoy kommunistik partiyasi Markaziy qo‘mitasi xalqaro hamkorlik bo‘limi rahbari Sun Taoni qabul qildi. Uchrashuv chog‘ida Kim Chen In ushbu bayonotni berdi.

Ta’kidlanishicha, Shimoliy Koreya rahbari ikki mamlakat munosabatlarini faol rivojlantirishga harakat qilishini bildirgan.

Sun Tao Shimoliy Koreyaga mamlakat asoschisi Kim Ir Sen tavalludining 106 yilligi munosabati bilan uyushtirilgan tadbirlarda ishtirok etish uchun tashrif buyurdi.