Sami Naseri “Taksi 5”ni tanqid qildi

“Taksi” filmlari seriyasi bilan mashhur fransuz aktyori Sami Naseri xalqaro prokatga aprel oyida chiqqan franshizaning beshinchi qismini tanqid qildi. Artist bilan intervyu Super nashrining YouTube kanaliga joylangan.

“Ular sketch qilgan. Unda sujet ham, voqea ham yo‘q, odatiy hazillar. Lyuk Besson bunga qanday yo‘l qo‘ydi?!” — deya achchiqlanadi Naseri.

Uning fikricha, “Taksi 5” va uning avvalgi qismlariga prodyuserlik qilgan Besson mazkur franshizani mutlaqo noprofessionallarga sotgan.

Jangari komediya 7-aprel kuni xalqaro prokatga chiqdi.