Qozog‘iston shaharlarida O‘zbekiston diplomatik vakolatxonalari paydo bo‘lishi mumkin

O‘zbekistonning Qozog‘iston Respublikasidagi diplomatik vakolatxonalari mamlakatning turli shaharlarida paydo bo‘lishi mumkin, deb yozadi “Kazinform”.

“Qo‘shimcha konsullik punktlarini ochish yoki elchixonalarni joylashtirish haqidagi masala davlatning suveren huquqidir. O‘zbekistonning yangi rahbariyati tomonidan elchixonani Olmaotadan Ostonaga ko‘chirish haqidagi qaror qabul qilindi, Olmaotada esa bosh konsullik faoliyat ko‘rsatadi”, — deydi Qozog‘iston tashqi ishlar vazirining birinchi o‘rinbosari Muxtor Tleuberdi.

Uning so‘zlariga qaraganda, hozirgi paytda O‘zbekiston TIV bilan mamlakatning Qozog‘istondagi diplomatik vakolatxonalarini yanada kengaytirish bo‘yicha muzokaralar olib borilmoqda.