O‘zbek va tojik san’atkorlari ishtirokidagi navbatdagi “Do‘stlik kechasi” Toshkentda bo‘lib o‘tadi

O‘zbek va tojik san’at ustalarining “Do‘stlik kechasi” deb nomlangan navbatdagi qo‘shma konserti Tojikiston prezidenti Emomali Rahmonning O‘zbekistonga davlat tashrifi davomida bo‘lib o‘tadi. Bu haqda Tojikiston madaniyat vazirligining kengaytirilgan yig‘ilishida ma’lum qilindi, deya xabar beradi Asia-Plus.

Emomali Rahmonning O‘zbekistonga davlat tashrifi sanasi hozircha ma’lum emas.

Eslatib o‘tamiz, Dushanbedagi “Ko‘hi Borbad” san’at saroyida 9-mart kuni bo‘lib o‘tgan “Do‘stlik kechasi” konsertida 250 nafardan ortiq tojik, 100 nafar o‘zbek san’atkori ishtirok etgandi.