AQSh sobiq prezidenti katta Jorj Bushning rafiqasi vafot etdi

AQSh sobiq prezidenti katta Jorj Bushning rafiqasi Barbara Bush 17-aprel kuni 92 yoshida vafot etdi, deb yozadi “TASS” Bushlar oilasining rasmiy vakili Jim Makgratga tayanib.

U o‘z Twitter’ida aniqlik kiritishicha, sobiq birinchi xonimning dafn marosimi o‘tkaziladigan sana iloji boricha tezroq e’lon qilinadi.

CNN telekanali ma’lumotlariga ko‘ra, Barbara Bush surunkali o‘pka va yurak kasalliklaridan azob chekkan. So‘nggi bir necha yil mobaynida u ko‘p bora kasalxonaga yotqizilgan.

Eslatib o‘tamiz, 16-aprel kuni Amerikada CBS telekanalining yangiliklar xizmati — CBS News yanglishib, o‘z saytiga  Barbara Bushga bag‘ishlangan ta’ziyanomani joylashtirgan edi.