Italiyada 130 million yevrolik jekpot yutib olindi

Italiyada noma’lum kishi SuperEnalotto lotereyasida 130,2 million yevro yutib oldi. Bu haqda “Korrespondent.net” xabar berdi.

Yutuqli chipta Sitsiliyadagi Kaltanissetta shahrida sotib olingan.

Ta’kidlanishicha, bu Italiyada 2018-yildagi birinchi yirik yutuq hisoblanadi. Hech kim o‘tgan yilning 1-avgustidan beri barcha oltita raqamni topa olmagan edi. O‘shanda 77,7 million yevro yutib olingan edi.

SuperEnalotto tarixida bu kattaligi bo‘yicha beshinchi yutuq hisoblanadi. Eng yirik jekpot 177 million yevro bo‘lib, 2010-yilda yutib olingan.