Rossiyaning Red Wings Airlines avikompaniyasi O‘zbekistonga qatnovlarni yo‘lga qo‘yadi

Rossiyaning Red Wings Airlines aviakompaniyasi O‘zbekistonga qatnovlarni yo‘lga qo‘yadi. Bu haqda Spot o‘z manbalariga asoslanib xabar berdi.

Kompaniyadagilar ushbu ma’lumotni tasdiqlagan va parvozlar may oyidan boshlab Moskvaning “Domodedovo” aeroportidan Navoiy, Namangan va Farg‘ona viloyatlariga amalga oshirilishini ma’lum qilgan.

Bu O‘zbekiston va Rossiya o‘rtasida reyslar sonini oshirish borasidagi ketishuvga ko‘ra amalga oshirilmoqda.

Reyslar dushanba (Farg‘ona), payshanba (Namangan) va juma (Navoiy) kunlari Airbus A321 samolyotlarida amalga oshiriladi.

Chiptalar hozirdanoq sotuvga chiqqan bo‘lib, bir tomonga chipta narxi 9,5 ming rubldan (1,2 million so‘mdan) boshlanadi.