Rossiyada Putinning reytingi tushib ketdi

Rossiya prezidenti Vladimir Putinga ishonch reytingi saylovlardan bir oy o‘tgach, besh yildagi rekord darajada — 55,3 foizdan 48,4 foizga pasaygan. Bu haqda “Korrespondent.net” xabar berdi.

Mamlakat jamoatchilik fikrini o‘rganish markazi rahbari tomonidan aytilishicha, saylovdan keyin reytingning pasayishi tabiiy jarayon, chunki rossiyaliklarning ko‘pchiligi siyosatga unchalik qiziqmaydi va siyosiy mavzularga saylovoldi kampaniyasi yoki favqulodda vaziyatlar vaqtida qiziqadi.

Markaz rahbari reyting pasayishiga sabab bo‘lgan omillar sifatida Kemerovoda yuz bergan yong‘in va xalqaro maydondagi taranglikni ko‘rsatgan. Shuningdek, u Putinga ishonch darajasi hech qachon 45 foizdan pasaymasligini aytib o‘tgan.