Toshkentdagi Botanika bog‘i 9-maygacha yopildi

Toshkentdagi Botanika bog‘i 9-maygacha yopildi, deya xabar bermoqda Facebook’dagi “Potrebitel.uz” guruhi a’zolari.

Ta’kidlanishicha, u yerda 9-mayga tayyorgarlik ishlari olib borilmoqda. Yo‘laklar ta’mirlanmoqda, ba’zi o‘simliklar qayta ekilmoqda. Qurilish ishlari boshlangan vaqtda bog‘ ochiq bo‘lgan, ammo keyinroq xavfsizlik nuqtai nazaridan vaqtinchalik yopishga qaror qilingan.

Shuningdek, qurib qolgan ko‘l hududida ham qurilish ishlari bormoqda. U yerga o‘rindiqlar va sahna o‘rnatiladi.