Arab koalitsiyasi Yamanda to‘y nishonlanayotgan xonadonga zarba berdi. 20 kishi halok bo‘ldi

Saudiya Arabistoni boshchiligidagi arab koalitsiya aviatsiyasi zarbalari oqibatida Yaman shimoli-g‘arbida kamida 20 nafar tinch aholi vakili halok bo‘ldi, yana 40 kishi yaralandi. Bu haqda “TASS” xabar bermoqda.

Al Masirah telekanaliga ko‘ra, hodisa Haj viloyatida ro‘y berdi. Snaryadlar to‘y marosimi o‘tkazilayotgan uyga kelib tushdi.

Zarbalardan biroz avval isyonchi-xusiylar Saudiya Arabistoni tomonga ikki raketa uchirgandi. Podshohlik havo hujumidan kuchlari bir raketani tutib qolgani va yo‘q qilgani, ikkinchisi esa sahroga kelib tushgani bildirilmoqda.