Toshkent viloyatida bir kunda 5 kishi o‘z joniga qasd qildi. Ularning kamida ikkitasiga “arzimas mojarolar” sabab bo‘lgan (video)

Toshkent viloyatida bir kunda — 17-aprel kuni besh kishi o‘z joniga qasd qilgani, ulardan ikki nafarini qutqarib qolishga muvaffaq bo‘lingani haqida avval xabar berilgan edi. O‘z joniga qasd qilganlarning ikki nafari Yangiyo‘l tumanidan edi — ulardan biri, 19 yoshli o‘smir vafot etgan, 23 yoshli uy bekasini esa qarindoshlari qutqarib qolgan.

“Yoshlar” telekanalining “Davr” informatsion dasturi muxbiri Yangiyo‘l tumanida bo‘lib, bu voqealarni o‘rgandi. Telekanal muxbirining alohida qayd etishicha, Yangiyo‘ldagi har “ikki voqeaga ham arzimas mojarolar sabab bo‘lgan”.