Rossiya Toshkentda metallurgiya zavodining qurilishini moliyalashtiradi

“Rossiya eksport markazi” AJ Toshkent janubida metallurgiya zavodining qurilishiga 141 million dollar ajratadi. Bu haqda Sputnik xabar bermoqda.

“Yaqin vaqt ichida biz Toshkent metallurgiya zavodi bo‘yicha 141 million dollarlik kredit kelishuvi imzolashni rejalashtirmoqdamiz. Hozir biz uni tayyorlamoqdamiz”, — dedi AJning O‘zbekistondagi vakolatxonasi rahbari Dmitriy Proxorenko Toshkentda bo‘lib o‘tayotgan Expo-Russia Uzbekistan 2018 sanoat ko‘rgazmasi chog‘ida.

Uning so‘zlariga qaraganda, hozirda O‘zbekistonning turli sektorlariga oid 30 dan ortiq loyiha ko‘rib chiqilmoqda.