Jahongir Ortiqxo‘jayev Toshkent shahar hokimi etib tayinlandi

Jahongir Ortiqxo‘jayev Toshkent shahar hokimi etib tayinlandi. Bu haqda Savdo-sanoat palatasining Telegram’dagi kanalida xabar berildi.

Jahongir Ortiqxo‘jayev bungacha Tashkent city davlat unitar korxonasining direktori lavozimida ishlab kelayotgan edi. Shuningdek, Jahongir Ortiqxo‘jayev “Artel”, “Imzo” kabi mashhur o‘zbek korxonalari muassisi hisoblanadi.

Avvalroq, 2012-yildan beri Toshkent shahar hokimi lavozimida faoliyat yuritgan Rahmonbek Usmonov o‘z vazifasidan ozod etilgani, u Avtomobil transporti agentligi boshlig‘ining birinchi o‘rinbosari etib tayinlangani haqida xabar berilgandi.