Toshkentda Lenovo Tab3 7 plansheti 1 mln so‘mdan sotuvga chiqdi

O‘zbekistonda Lenovo Tab3 7 planshet kompyuteri sotila boshladi, deb yozadi “Mobinfo.uz”. Qurilma 4G texnologiyasini qo‘llab-quvvatlashi, shuningdek, SIM-kartalar uchun ikkita slotga ega ekanligi bilan ajralib turadi.

Lenovo Tab3 7 7 dyuymli va 1024?600 pikselli ekran, to‘rt yadroli MediaTek protsessori, 1 Gb tezkor va 16 Gb doimiy xotira, suv sachrashi va changdan himoya, 5 megapikselli asosiy va 2 megapikselli old kamera, shuningdek, 3450 mA/soat sig‘imli akkumulyatorga ega.

Tab3 7 planshetida ishoralarni anglab olish funksiyasi ko‘zda tutilgan bo‘lib, uning yordamida foydalanuvchi start ekraniga dasturning birinchi harfini yozish orqali unga kirishi mumkin.

Toshkentdagi “Malika” savdo markazida Lenovo Tab3 7 1 million so‘mga sotilmoqda.

Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.